Burujabetzak helburu, udalgintza eta herrigintza esperientzia eraldatzaileak partekatzeko jardunaldiak antolatu dituzte Hernani Burujabek eta Udalbiltzak. Hiru eguneko jardunaldiak izango dira, eta hitzaldiak, mahai-inguruak eta topaketak izango dira, besteak beste. Gaur izan da aurkezpena, eta bertan azaldu dituzte jardunaldi hauen nondik norakoak.
Kontseilu Nagusia izan zuten pasa den ostiralean Udalbiltzako kideek Usurbilen. Bertan izendatu zituzten Haritz Alberdi lehendakari berria eta Batzorde Eragile berria. Jakinarazi zuten, halaber, gogoeta-fase batean sartuko direla, eta aldaketak datozela.
Aro aldaketak datozenean, atzera begiratu eta egindako lorpen guztien laburbilketa egiteko unea ere iritsi ohi da. Hauxe dugu unea Udalbiltzan: hauteskundeen ostetik, zuzendaritza aldaketa etorriko da. Egoera baliatuz, lau urtez Partzuergoko Zuzendari eta Lehendakari lanetan aritu den Jabi Asurmendirekin egon gara solasean, aro honetan egindakoaren ikuspegi zabala izateko.
Geuretik Sortuak ekimenaren bigarren edizioa haizea alde duen belaontzi baten gisan ari da aurrera egiten: sortzaile askok jada lehen bisita egin dute euren lana garatzeko egokitu zaien udalerrira, eta beste asko horretarako prestatzen ari dira jada. Testuinguru honetan, momentu batez atzera begira egiteko gogoa sartu zaigu, lehen ediziotik sortutako obrek jasotako aipamen berezien zerrendatxo bat eginez.
Udalbiltza Partzuergoak “Zerbitzua eta lana euskaraz” eskaini eta egiten dituela egiaztatzen duen agiria jaso berri du: Bai Euskarari Ziurtagiria, alegia. Egoera baliatuta, elkarrizketa egin diogu Leire Luengo Bai Euskarari elkarteko aholkulariari, ziurtagiri honen testuingurua, inplikazioak eta alde praktikoa hobeto ezagutzeko; baita Euskal Herriko udalerriak agiri hau eskatzera gonbidatzeko ere, Euskal Herriaren eta euskararen burujabetasun sendoago baten bidean.
Udalbiltzak, Geuretik Sortuak proiektuaren bitartez, Booktegi plataformarekin egin duen lankidetza baliatuta, bertako sortzaile eta kudeatzaile Aritz Brantonekin elkartu gara plataformaz apur bat solasean aritzeko.
Martxan dago Zaratamon zuntz optikoko azpiegitura publiko komunitarioa, Udalbiltzak sustatutako Ehkom egitasmoarekin batera garatua. Gainontzeko proiektuekin bezala, Ehkom-ek sare ireki, publiko-komunitario eta neutroa kudeatuko du Zaratamon arrakala digitala ezabatzeko helburuarekin, denontzako eskuragarri egon dadin.
Udalbiltzak urteko lehen Kontseilu Nagusia antolatu zuen pasa den martxoaren 17an Antzuolako kultur etxean. Bertan, besteak beste, 2023ko aurrekontuaren onarpena, langileen soldaten igoera eta aurtengo kudeaketa plana onartu ziren aho batez.
Euskal Herriko udalerriek energia proiektuak garatzeko gidalerroak biltzen dituen argitalpena aurkeztu du Udalbiltzak gaur Antzuolan. Energia komunitateak zer diren eta nola garatzen diren aztertzeaz gain, Euskal Herrian zehar topa daitezkeen adibide batzuen berri ere ematen du. Goiener, I-Ener, Ko-Energia eta Xabier Zubialderen ekarpenekin osatu da gida. Mahai-ingurua egin dute partaideek, eta Aritz Otxandiano adituaren hitzaldiarekin amaitu da ekitaldia.
Udalbiltzak gaurko egunez Berako (Nafarroa Garaia) Kultur Etxean egin den prentsaurreko aurkezpenean eman ditu aditzera bigarren edizio honetan hautatuak izan diren sortzaile eta udalerriak. Sormen egonaldiak burutuko dira 2023an zehar udalerri hauetako bakoitzean, herri batzuk multzoka joango direlarik; eta horietara Udalbiltzako balioespen batzordeak hautatutako sortzaile bana joango da bere lana garatzera. Orotara hamar idazlek, bost komikigilek, hiru antzerki konpainiak eta lau zinegilek jaso dute Geuretik Sortuak 2023-2024 sormen beka.
Azaroaren 26an itxi zen Geuretik Sortuak ekimenaren bigarren aroaren beka deialdia. Sortzaileentzako deialdi honek lau arte alor barnebildu ditu honakoan: Literatura, Antzerkigintza, Komikigintza eta Zinegintza.
Igaro den azaroaren 15ean, “Nola sustatu ekintza komunitarioa udalgintzatik?” jardunaldiak egin ziren EHUren Donostiako HEFA II (Magisteritzako eraikineko) Areto Nagusian, Oinherrik eta Udalbiltzak antolatuta. Bertan, udaletan ekintza komunitarioa sustatzeko administraziotik zein pausu eman behar diren zehaztea izan zen helburua, baita, teoriatik praktikara salto eginez, udal batzuetako esperientziak lehen pertsonatik ezagutzea ere.
Oinherri elkarteak, Udalbiltzarekin batera, “Nola sustatu ekintza komunitarioa Udalgintzatik?” izeneko topaketa antolatuko dute azaroaren 15ean EHUren Donostiako HEFA II (Magisteritzako eraikineko) Areto Nagusian. Ekintza komunitarioa administrazioetatik sustatzeko zein pausu eman behar diren argitu eta hainbat udalerritako esperientziak biltzeko helburua izango du jardunaldi honek.
Bigarren edizio honek arte alor berri bat gehituko du: literatura, zinegintza eta antzerkigintzako lanez gain, komiki lanak ere diruz lagunduko dira. Aurreko edizioan bezala, proiektu honek sortzaileak eta euskal udalerriak uztartuko ditu, sormen egonaldiak sustatuz, euskarazko lanak garatzeko. Proiektuak 2023 eta 2024 urteak hartuko ditu: lehen urtea egonaldien eta sormenaren urtea izango da; bigarrenean, aldiz, kultur zirkuitua osatuko da ekimenean parte hartu duten udalerrietan zehar, lanak hedatzeko.
Geuretik Sortuak egitasmoaren lehen edizioaren bitartez 5.500dik gora ikusle bildu dituzten 130 inguru antzerki emanaldi, 26 liburu aurkezpen eta beste hainbeste film emanaldi antolatu dira, Euskal Herriko hainbat herri txiki-ertainetan. Oharraren amaieran topa dezakezue ekimenak ekarritako sentsazioak, harremanak eta sormena modu bikainean laburbiltzen dituen Hamaika Telebistaren bideoa.
Zaintzaren gaiarekin jarraituz, Zaldibian egin zen “Ertzetik Erdira” mahai-inguruaren bueltan jardungo dugu honetan ere. Antolatzaile nagusietako bat izan zen Xotil Natke Miguez (XN) zaldibiar arkitektura irakaslearekin hitzartu gara; baita herriko alkate Eztitxu Mujika Mariezkurrenarekin (EM) ere, ekitaldiaren nondik norakoak eta testuingurua ezagutzeko.
Uztailaren 11tik 16ra bitartean “Gizartea bere espazio publikoen antolakuntza eta eraldaketan” Udako ikastaroa burutu zen Zaldibian. Gaia ber-hartuz, ikastaroaren azken egunean antolatutako “Ertzetik Erdira” mahai inguruan moderatzaile gisa aritu zen Irati Mogollón Garcíarekin hitz egin nahi izan dugu, gehiago sakontzeko. Mogollón soziologian doktorea eta Matia Institutoko ikerlaria da.
Ikasturte berriari hasiera emanez, Euskal Herriko barne-turismo jasangarria sustatzea helburu duen Lurgida egitasmoak tresna berri bat du gaurtik eskuragarri: Agenda. Atal honetan, astero-astero, Euskal Herriko bazter guztietan egongo diren hamaika kultur, aisialdi edota kirol gertakari argitaratuko dira, EH Furgo blogaren laguntzaz.
Euskal udalerriek zaintzaren inguruan azken urteotan aurrera ateratako egitasmoak ezagutu asmoz, uztailaren 15ean 17:00etan mahai-inguru bat antolatuko da Zaldibiako plazan, EHUko UIK edo udako ikastaroen egitarauaren baitan. “Zaintzen gaituzten herriak” izeneko ekitaldian Udalbiltzako partzuergokide diren Zaldibiako, Hernaniko, Usurbilgo eta Segurako ordezkariek hartuko dute parte.
Hilabete eta erdi igaro da EH Kom jendaurrean aurkeztu genuenetik. Egitasmoa gertuagotik ezagutu eta etorkizunera begirako asmoak zeintzuk diren jakiteko, honen arduradun Beñat Azkargortarekin hitz egiteko aukera izan dugu.
Zoiartzeko ermitan elkartu dira gaurko egunez Uhartehiri, Uharte Garazi, Uharte eta Uharte Arakilgo ordezkariak, lau udalerriak batzen dituen mendiko ibilaldia aurkezteko. Sei txanpatan egin ahal izango den ibilaldi hau gida batean bildu dute Juan Mari Feliú mendizalearen laguntzaz; aipatu udalerrietan eta Udalbiltzaren webgunean egongo da eskuragarri.
Euskal kultura sustatzeko Geuretik Sortuak proiektuaren lehen edizioa amaitzear den honetan, balorazioa egiteko unea da. Horretarako, bertan parte hartu duten bi eremu ezberdinetako ordezkariekin hitz egin dugu: Hernaniko Koro Etxeberria (aurrerantzean, K.E.) eta Sartaguda, Lodosa, Mendabia eta Andosilla herri multzoaren ordezkari Paolo Albanesse (aurrerantzean, P.A.).
Hurbiltzen proiektuaren baitan, Sara eta Ataun senidetzen dituen proiektu berri bat sustatuko du Udalbiltzak. Sarataun proiektua da hau; bi herriak mitologiaren, lurreko produktuen eta historiaren bitartez batuko dituen ekimena. Ideiak 2022 izeneko Gipuzkoa eta Pirinio Atlantikoetako aurrekontu parte hartzailean aurkeztu da egitasmo hau, aurrera ateratzeko behar duen diru laguntza lortzeko; eta zure bozka ezinbestekoa du!
Udalbiltzak gaur aurkeztu du EH Kom telekomunikazio operadore neutro publiko-komunitarioaren proiektua Andoainen. Udalbiltzaren inkubagailutik ateratako lehen proiektua da hau; bizitza propioa izango du orain. Proiektu honek udalerri eta auzoetan sare publiko-komunitarioak jartzen lagunduko du, Euskal Herrian dagoen arrakala digitala gainditzeko xedez, eta kooperatiba integral gisa egituratuko da. Hainbat euskal udalek, hedabidek eta ekimenek babestu dute proiektua.
2022. urteaz geroztik ezarri diren Udalbiltzaren helburu eta lan egiteko modu berriak ezagutzeko asmoz, bertako lehendakari Jabi Asurmendirekin hitz egin dugu.
Udalbiltzak urteko lehen Kontseilu nagusia antolatu zuen pasa den apirilaren 1ean, Oiartzungo Kultur Etxean. Bertan, besteak beste, 2022ko aurrekontuaren onarpena, langileen soldaten igoera eta aurtengo kudeaketa plana onartu ziren aho batez.
Atzoko egunez, martxoak 31, Geuretik Sortuak ekimenetik jaiotako bost film laburren bildumaren aurre-estreinaldia egin zen Leitzako herri aretoan. Bertan bildu ziren bost laburretako zuzendari, ekoizle eta ekipoko beste hainbat langile, bilduma osoa muntatu eta kohesioa eman dion Adabaki ekoiztetxea, filmaren abesti nagusia egin duen Ibil Bedi taldea, eta Udalbiltzako eta Leitzako ordezkariak.
Ikerbiltzaren ildotik abiatuta, Aiaraldean eta Aezkoan energia berriztagarriak jartzeko aukerak aztertu ditu Udalbiltzak. Azterketa horien emaitzak jaso dira azken asteotan.
Urtero bezala, Udalbiltzak lankidetza hitzarmena sinatu du 2022an ere Gipuzkoako Foru Aldundiarekin. Erakunde honek 43.000 €-ko laguntza emango dio partzuergoari, aurten bere lan ildo ezberdinetako ekimenak aurrera atera ditzan.
Geuretik Sortuak proiektuan hautatuak izan diren hainbat artista, udaletako ordezkari eta eragile elkartu dira gaurkoan Uztaritzeko Lapurdi zentroan, proiektuak emandako fruituak aurkeztu asmoz. Guztira bost antzerki obra, ‘Hamazazpigarrenean aidanez’ literatur bilduma eta bost film laburrez osatutako ‘Bost teilatu’ pelikula atera dira proiektuaren lehen ediziotik. Zirkuitu nazionala antolatu dute horiek aurkezteko.
