Euskal Herriaren kontakizun sentikorra arteak eta kulturak baino ezin dute egin. Euskal arteak lengoaia asko izan ditzake, baina hizkuntza bakarra du, geurea: euskara. Eta azken urteotan, globalizarioarengatik eta espainiar eta frantziar estatuen ahalbide ugariengatik, atzerriko hizkuntzetan egindako kultura nagusitzen ari da gizartean, gure hizkuntzan egindako artearen kalterako. Egoera horri erantzuteko asmoz sortu da Geuretik Sortuak proiektua: euskara hutsean egindako artea eta kulturaren sormena, ekoizpena eta hedapena sustatuko dituen zirkuitu nazionala.
Sortzaile eta herriak esleituta daude jada, eta sormen egonaldiei ekiteko garaia da. Ikusi hemen zeintzuk diren edizio honetako protagonistak!
Geuretik Sortuak proiektuaren bigarren edizioko zirkuitu nazionala aurkeztu genuen pasa den ostegunean. “Lau elementuak” film laburren bilduma estreinatu zen, tartean Arrigurik Uharten grabatutako “<3”. Diziplina guztietako ekitaldien agenda osatua ikusgai dago dagoeneko webguneko "agenda" atalean.
Geuretik Sortuak proiektuaren baitan, bigarren edizioko literaturak eman du bere fruitua: "Hamarreko bitxia", hamar istorio laburrez osatutako liburua. Donostian aurkeztu genuen atzo, idazleetako batzuen laguntzarekin: Ainhoa Urien, Idoia Etxeberria, Jon Abril eta Maite Aizpurua, hain zuzen ere.
Durangoko Azokaren burrunbaren erdian, euskal kulturaren askotariko eskaintzaz eta euskal sortzaileen proiektu berrien ilusioz inguratuta, Udalbiltzak Durangoko Azokaren plaza aprobetxatu du Geuretik Sortuak proiektuaren bigarren edizioa aurkezteko. “Geuretik Sortuak: interakziotik fikziora” izeneko ekitaldian, Durangoko Museoan bildu ziren pasa den larunbatean proiektuan parte hartu duten hainbat sortzaile eta herrietako ordezkari, proiektuaren lehen aurkezpen bat egiteko.
Udalbiltzaren Geuretik Sortuak bekaren bigarren edizioaren baitan, bost komikigileren lanak bildu dira “Hona Bostekoa!” komiki-bilduman. Bost komikiz osatutako lanak hainbat udalerritan landutako istorioak kontatzen ditu, bakoitza ahots eta estilo propioarekin. Unai Gaztelumendik, Aritz Ibarrak, Kote Camachok, Eñaut Aiartzaguenak eta Iñaki Martiarena "Mattin"-ek hartu dute parte bertan.
