Antzerki obrak
Bidaide, Metrokoadroka Sormen Laborategia
Sinopsia
Nor ote dago erraldoien gonen azpian? Nola ikusten da mundua erraldoien barrutik?
Herrietako erraldoien iruditeriatik modu poetikoan abiatuta, handia eta txikia izatearen arteko aldeaz, herrietako kulturgileen ikusezintasun hautazkoaz edo ez hautazkoaz, kultura bizitzeko moduez mintzo da Bidaide antzezlana. Bidaide antzezlana modu bisual, poetiko eta umoretsuan aldiro modu ezberdinean gauzatuko den teatro-ekintza bat da. Herrietako kulturgileen jarduna gogoan, agian ekintza bera delako, orain eta hemen egin-egiteko behar hori, etorkizunak amesteko aukera ematen digun bultzadarik garrantzitsuena.
Aktoreak
Maite Aizpurua, Ainhoa Alberdi, Idoia Beratarbide, Iraia Elias eta Idoia Hernandez “Hatxe”.
Zuzendaritza
Idoia Beratarbide eta Iraia Elias.
Idazketa
Maite Aizpurua, Oier Guillan eta aktore taldea.
Soinu-espazioa
Idoia Hernandez “Hatxe”.
Argi-diseinua
Miriam Ubanet eta Ana Da Graça.
Ekoizpena
Josu Zubia.
Iraupena
70 minutu.
_______________________
Eresia, Oier Zuñiga
Sinopsia
Ama hil da, hori da egia. Kantu bat, dantza bat, erritu bat... lore bat eskaini nahiko nioke. Hildakoei gorazarre egiteko abesten ziren bertsoak dira Eresiak, baina nik jada, ez dut kanturik hildako ama agurtzeko.
Maite dugunaren heriotza datorrenean, zer egin
Nola agurtu?
Nola begiratu bizitzari?
Maitasuna da akaso guztiaren erantzuna?
Ohiko dolu errituak nahikoak ez direnaren sentsaziotik abiatuta, dispositibo poetikoen bidez bestelako dolu praktika esperimentatzeko xedea nuke, ekintza eszenikoa bera, dolu erritu kolektibo bilakatuz.
Ideia originala eta zuzendaritza
Oier Zuñiga
Antzezleak
Eneko Gil, Belen Cruz eta Oier Zuñiga
Soinu eta argi teknika
Mikel Unamuzaga
Argi diseinua
Fermin Izko
Jantziak
Fran Dussourd
Eszenografia
Orekari estudioa
Kantugintza
Ihitz Iriart
Iraupena
65 Minutu
______________________________
Harri minak, Bonbon Beltz konpainia
Sinopsia
Bizitza bi zuloen artean dirau:
Zulo batetik gatoz, zulora goaz.
Bi arrakalen tartea.
Hutsuneak bete nahian igarotzen dugun tartea.
Harriko zuloa, herriko zauria.
Ekin ta ekin, tirita jarri ta jarri.
Zauria dago hor, baina… -dio orbainak.
Zuloak harriari min ematen al dio?
Sormena
Josune Gorostegui eta Dominika Recalt (Titika)
Zuzendaria
Amancay Gaztañaga
Ekoizpena
Berritza Elkartea
Antzezleak
Josune Gorostegui eta Dominika Recalt (Titika)
Iraupena
60 minutu
_______________________________
Sexberdinak, Tanttaka Teatroa
Sinopsia
Anaren bihotza logela huts bat omen da. Nicok berea tatuatu egin nahi du. Igogailu batean daude harrapatuta eta ezezagun izatetik lagun izatera pasako dira. Beno, duela hiru urte gertatu zen hau, baina iraganera bidaiatuz, orainaldian biziko dugu kontatzera datozena;maitasuna, sexua, bakardadea eta jendearen aurreiritziak aztergai.
Garun-paralisia duen kazetariak eta kontraesanetan erdi itota dabilen goxoki saltzaileak, beren bizipen afektibo sexualak azalduko dituzte inolako konplexurik gabe, gutako bakoitzak, norbere paralisiarekin, beldur, amets eta ilusio ezberdinak ditugula erakusteko.Bi lagunen istorioa, umorez eta minez tindatuta.
Zuzendaria
Mireia Gabilondo
Aktoreak
Telmo Irureta eta Aitziber Garmendia
Egileak
Kepa Errasti eta Telmo Irureta
Espazio Eszenikoa
Fernando Bernués
Argiztapen diseinua
Xabier Lozano
Jantzitegia
Ana Turrillas
Argazkilaritza eta Diseinu grafikoa
Mikel Martinez - Dock Studio
Koordinazio teknikoa
Acrónica Producciones
Ekoizpen exekutiboa
Ane Antoñanzas
Ekoizpena
Paola Eguibar eta Nagore Plazaola
_________________________________
Trapu Zikinak, Lore More antzerki taldea
Sinopsia
“Trapu zikinak etxean garbitzen dira” esaten bada ere, herri garbilekuek, egun mutu dauden harritzarrek, beste errealitate posible bat agerian uzten dute: trapuok kalean garbitzen zirela, alegia, bizilagun, senide eta lagunekin batera; intimitatearen ideia begi berriz aztertu dezakegu iraganeko ur horietan murgiltzen baditugu eskuak.
Nola garbitzen dira lotsak utzitako orbanak?
Eta indarkeriarenak?
Zeri esaten diogu “zikin”?
Zertaz hitz egin daiteke? Zer hitzekin?
Gerraosteak utzitako pobrezia, adiskidetasuna, patroiaren bidegabekeria, maitasuna, lana eta etorkizunerako desirak gorpuztuko dira garbitzen diharduten emakume saldoan. Hotza eta zikineria izango dituzte bidelagun; azken hauek ere badute zer esan bizi garen munduaz...
Ikuskizun hau garbilekuetan jo ta fuego aritu ziren arbasoei omenaldia da. Haien izerdi eta irriei, haien arteko laguntza eta isiltasunei. Izan zirelako, gara.
Testua eta Zuzendaritza
Lore More
Antzezleak
Lara Villanueva, Maialen Díaz Urriza eta Mikele Urroz Zabalza
Ekoizpena
Lucía Ezker
Espazio sonoroa
Harkaitz Martínez de San Vicente Urriza
Jantziak
Iona Lakunza
Eszenografia
Orekari estudio
Argiztapena
Andrés Dwyer
Iraupena
80 minutu