Burujabetzetarako
Euskal Herriko hainbat udalerri ezberdinek udalgintza proiektu eraldatzaile eredugarriak burutzen dihardute edo gauzatzeko konpromisoa hartu dute, bereziki, burujabetza sektorialetan oinarrituta, oinarrizko zerbitzuen azpiegituretan demokratizaziorako, deskarbonizaziorako edo herritarren ahalduntzerako bidean.
Proiektu horiek gauzatzea ez da batere erraza, zailtasun teknikoaren osagaia hor dago eta maiz udal antolamendu edo marko juridikoaren osagaiak ere beste zailtasun batzuk dakartza. Izan ere, XIX. mendeko udal antolamendua baliatzen ari dira XXI. mendeko erronkei aurre egiteko.
Hortaz, Udalbiltza Partzuergoa eragile eta adituen sare bat josten ari da, aditu horien eta Partzuergoko teknikarien bitartez burujabetza proiektuen eta proiektu eraldatzaileen inguruko aholkularitza eta laguntza eskaintzeko Euskal Herriko hautetsi eta udalei, eta era sendoago eta zehatzago batean Partzuergoko kideak diren udalei.
Sortutako baliabideak
Zaintza liburuxka
Zaintza sistemak birpentsatzeko gakoak, liburuxka batean. 
Energia gida
Energia burujabetzarantz doazen proiektuak ezagutzeko gida. https://www.udalbiltza.eus/kasuak/energia-gida/
Esperientzia eredugarriak
SCIC Garro
baratzezaintzari eskainitako 9 hektarea lur, barazkiak pentzeetan eta berotuak ez diren negutegietan ekoitziz.
Ekoalde
Nafarroako ikastetxeen elikadura beharretik gizartearen eraldaketara.
Biziola
Irabazi asmorik gabeko eta gizarte ekimeneko kooperatiba Goierrin.
