Orendain: aurrekontu partehartzaileak

Partehartzea eta gobernantza komunitarioa Gipuzkoa

Urtero, inbertsioaren atala erabakitzeko Orendainen antolatzen den parte-hartze prozesua da. Prozesu horrek hiru fase ditu:

Galdetegia: Etxe guztietara galdetegi bat banatzen da. Galdetegi horretan, jada herritarren gehiengoak baiezkoa emandako proposamenak agertzen dira eta kasu honetan herritarrek proiektu hauek lehenetsi behar dituzte. Beste alde batetik, aurreko urteko proposamen berriak daude, eta bai edo ez aurrera egingo duten erabakitzeko aukera dute herritarrek; azkenik proposamen berriak biltzeko atala dago. Horretaz gain, auzolan proposamenak biltzen dira eta galdetegia bera eta udaleko jarduna ebaluatzeko atalak ere baditu.
Gogoeta bilera: Galdetegian modu indibidualean bakoitzak bere etxean erabakitakoa gogoeta kolektibo batean jartzea du helburu. Bilera horretan, bozka bidez erabakitzen denaren inguruko gogoeta egiten da.
Urteko herri batzarra. Batzar horretan, galdetegiko emaitzak, urte horretan zehar egindakoak, gauzatze bidean dauden eta egin gabe geratutako proposamenen berri eman eta udaleko diru kontuak azaltzen zaizkie herritarrei. Bertan zein auzolan egingo den erabakitzen da.

Funtzionamendu demokratikoan sakontzeko ariketa izan da.

Galdetegi fasean, herritarren %85-95ek hartzen du parte urtero; gogoeta bileran hamabost bat pertsonak, eta urteko batzarrean, 45 pertsona inguruk.

Udalean erabakitzen den guztian du eragina, eta oso bereziki udaletik aurrera ateratzen diren proiektuetan.

Urtero irailetik abendura arte irauten du.

Proiektu honetan herri guztiak hartzen du parte (kontuan izanda gure herria oso txikia dela)

Udalak jartzen ditu eta Foru Aldundiko parte-hartzeko laguntza ere jasotzen du.

Ez du aparteko finantzaketa beharrik.

Diseinua aholkularitza batekin egin genuen bere garaian, eta gaur egun pertsona bat kontratatzen dugu jardun erdiz prozesua aurrera ateratzeko.

Oso emaitza onak izan ditugu, herritarren parte-hartze tasa oso handia delako eta gainera herritarrek gure gestioan gehien baloratzen dutena delako.

Hainbat herritan egin dugu gure parte-hartze prozesuaren aurkezpena, baita Foru Aldundiak hala eskatuta Kursaalean ere.

Oso baikorra da. Urtero galdetegian bertan ebaluatzen da galdetegia bera ere, eta horren arabera hainbat aldaketa egin ditugu urtez urte.

Parte hartze tasa handia dugu, prozesua orokorrean hartuz gero.

Gogoeta kolektiboa indartzea falta zaigu.

Nahi izanez gero, edozeinek jar dezake hau martxan.