Ondarroa: Etxelila
- Hasiera data:
- 2013ko martxoak 7an
- Bukaera data:
- Abian da
- Lurraldea:
- Bizkaia
- Herria:
- Ondarroa
- Biztanle kopurua:
- 8.500 herritar
Espazio dinamiko eta irekia da: herriko emakumeentzako txokoa eta enpatia sortzeko topagunea, ikasteko eta informazioa jasotzeko tokia, jabekuntza sareak sortzeko gunea eta emakumeen berdintasuna, askatasuna, partaidetza eta presentzia sustatzeko gunea.
1. Testuingurua eta zerk eragin duen proiektua abian jartzea
Emakumeen Udal Berdintasun Kontseiluak lan luzea egina du emakumeentzako espazio propioa lortzeko. Ondarroan, emakume elkarteen aspaldiko aldarrikapena izan da Emakumeen Etxea.
2. Proiektuaren helburu orokorrak
Etxelilaren helburua da gune bat izatea emakumeek bat egiteko, eztabaidatzeko eta gogoeta egiteko, eta aldi berean erreferentziazko gunea emakumeen eta gizonen berdintasunaren aldeko borrokan.
Proiektuaren asmoak bi helburu nagusi ditu: emakumeek duten ezberdintasun egoeraz jabetzea eta beren parte-hartzea sustatzea.
3.Proiektuaren helburu espezifikoak
Baina beste helburu batzuk ere badaude:
- Herrian emakumeentzako formazio, topaketa eta eztabaidarako erreferentziazko gune bat sortzea, beraien banakako eta taldeko jabekuntza prozesuak erraztuz.
- Formazio eta sentsibilizazioaren bitartez herriko eremu ezberdinetan berdintasunaren alde arituko diren emakumeen presentzia bultzatzea.
- Herriko emakumeei politika publiko feministen inguruko formazioa eskaintzea beren parte hartzearekin aldaketa soziala errazteko.
- Informazioaren sistematizazioaren bitartez, prozesua ebaluatzeko eta errealitatera egokitzeko neurriak diseinatzea eta praktika egokiak hedatzea.
4. Deskribapena
Elkarteen gela
Emakume elkarteen erabilerarako prestaturiko gela da. Bertan hainbat baliabide jartzen dira eskura: armairuak, mahaiak, aulkiak…
Artegintza gela
Emakumeen sormen artistikoa bultzatuko duen espazioa da.
Hitzaldi aretoa
Ikus-entzunezko gela da, eta bertan ikastaroak, hitzaldiak eta antzerako ekimenak egiteko beharrezko material-ekipamendua dago.
Liburutegi feminista eta batzar gela
Hemen dokumentazio feminista duen liburutegia dago, eta, behar denean, ikastaroak, hitzaldiak eta batzarrak egiteko gune ere bihurtzen da.
Jabekuntza eskola
Emakumeentzako Jabekuntza Eskola proiektu bat da, Bizkaian sortua, 2003. urtean, udalerrietako emakumeen parte hartze politiko eta soziala sustatzeko helburuarekin. Proiektu horretan Basauriko, Ermuko, Getxoko eta Ondarroako udalek sarean lan egiten dute, ezagupenak trukatzeko, eraginkortasuna handitzeko, baliabideak hobeto aprobetxatzeko eta proiektuari egonkortasuna emateko. Herriko 100 emakumek baino gehiagok parte hartu dutelarik bertan eskainitako ikastaro eta ekintzetan.
5.Zein herritar kopururi eta multzori eragiten dion proiektuak
Ondarroako herritar guztiei eragiten die.
6. Beste programa batzuekin izan dezakeen harremana
Hainbat harreman izaten ditu Etxelilak herriko gainerako eragileekin; jarduerak elkarrekin antolatzen dituzte, eta hainbat eragilek euren jarduerak antolatzeko ere erabiltzen dute Etxelilako espazioa.
7.Inplementazioa
Parte hartu duten eragileak: Udala, emakume elkarteak eta herriko mugimendu feministak.
Baliabide ekonomikoak:
Finantzaketa: Udala arduratzen da Etxelila finantzatzeaz: Emakumeen Jabekuntza Eskola, egun berezietako kanpainak, dinamizatzailea... Dena den, diru laguntzak ematen zaizkie emakume elkarteei haiek modu autonomoan erabil dezaten.
Beste baliabide batzuk: Eraikina udalarena da, eta materiala ere udalak kudeatzen du. Dena den, emakume talde bakoitzak bere material multzoa du
8.Hedapena
Etxelilako sare sozialen bidez (Facebook eta Instagram) eta erabiltzaileen posta elektronikoaren sarearen bidez egiten da, gehienbat, Etxelilako jardueren hedapena. Dena den, Udalbarriak eta eskualdeko hedabideak ere erabiltzen ditugu Etxelilako jardueren berri emateko.
- Telefonoa:
- 94 6134008 94 6134008
- Helbidea:
- Artibai kalea, 3, 4800 Bizkaia
- www:
- www.etxelila.eus