Urarte

943 378 041 |

Bernedoko udala, Gazteluko plaza 1, 01118 Bernedo, Araba |

Aholkularitza > Esperientzia eredugarriak> Urarte

Hasiera data: 2021
Lurraldea: Araba
Herria: Urarte, Bernedo
Biztanle kopurua: 20 (udaran 60)
Kontaktua: Bernedoko udala

Herritarren borondatetik abiatu zen proiektua, behetik gorako prozesu batean, hain zuzen. Izan ere, herrian hainbat bizilagunek eguzki- panelak zituzten euren etxeetako teilatuetan, eta horrenbestez, pausu bat aurrerago eramatea erabaki zuten, herritar guztiei zerbitzua emango zien instalazio fotovoltaikoa sortu asmoz. Gauzak horrela, gurditik tira egingo zuten herritarrak elkartu eta talde motorra aktibatu zuten.

Testuingurua eta helburuak

Lehen pausuak ematen hasi aurretik, formakuntzari ekin zioten. Izan ere, gaiaren inguruan interesa izan arren, ez zuten oso argi zein bidetik jo behar zuten halako azpiegitura bat abian jartzeko. Ibilbidea, halaber, herriarekin batera egin zuten hasieratik eta eman dituzten pausu guztiak bizilagunekin partekatu dituzte. Lehen pausuak ematen hasi aurretik, ikerketa bat egin zuten herriaren beharrak ezagutzeko. Aukera ezberdinak aztertu ostean, eguzki- energiaren aldeko hautua egin zuten, lehen aukera bezala.
Helburuak: burujabetza, Urarteko bizi-kalitatea hobetzea eta herritarren parte-hartzea sustatzea.

Inplementazioa

Ekintzak 2021ean zehar egin ziren: hasierako bilera, webinar informatiboa, udal talde kudeatzailerarekin bilera, kokalekuen miaketa, partehartze prozesuko tailerrak eta proiektuaren sozializazioa, prototipoaren diseinua, gobernantza plan eko prestakuntza tailerra, energia komunitatea eratzea, behin betiko proiektuaren diseinua, proiektua gauzatzea eta autokontsumoa hastea.

Ebaluazioa, indarguneak eta ahulguneak

Praktikaren indarguneak: argindarra herritarren esku geratzen da; prezioa merketzen da; partehartzea bultzatzen da; pobrezia energetikoari aurre egiten dio; gutxiago kutsatzen da.
Praktikaren ahulguneak: eskarmentu handia duen jendeak ere ez daki asko gaiaren inguruan; zaila izaten da prozesua hutsetik abiatzea.

Info osagarria

Finantzazioa: Kostu osoaren %70a jaso dute diru-laguntzatan. Herri Administrazioak aurreratu du dirua, eta falta den kopurua komunitateak ordainduko dio urtero canon bat ordainduta.