943 337 000 
Florida auzoa, 28 20120 Hernani, Gipuzkoa 
Aholkularitza > Esperientzia eredugarriak> Hernaniko passivhausa
Hasiera data: 2019
Lurraldea: Gipuzkoa
Herria: Hernani
Biztanle kopurua: 20438
Kontaktua: Hernaniko arkitektoa
Eskola izandako eraiki bati erabilera aldaketa bat eman zaio eta ia energiarik kontsumitzen ez zuen eraikin bat izateko zaharberritu da, horretarako Passivhaus estandarrak ezarritako baldintzak betearazi dira.
Eraikuntza bat zaharberrituz energetikoki ia pasiboa izan dadin Passive House baten irizpide eta baldintzak betetzen dituen eraikuntza bezala funtzionatu dezan zaharberritu. Eraikuntza mota hau Euskal Herriko herri askotan ikus dezakegunez, erreplikagarria izan daiteke.
Testuingurua eta helburuak
2018tik aurrera eraikin publikoetan kontsumo ia nulua duten eraikinak gauzatzea eskatzen du (NZBE) Europako direktiba batek. Horregatik Passivhaus estandarretan oinarritu eta zaharberritze lanak horren arabera egin ziren. Passivhaus energia-kontsumo txikiko etxeak eraikitzean oinarritzen da, eta, funtsean, bero-galerak minimizatzen ditu, urteko sasoia gorabehera etengabeko sentsazio termiko atsegina lortzeko. Passivhaus estandarrarean egindako eraikinek termo baten antzera funtzionatzen dute eta barruan dagoen tenperatura mantentzeko gaitasun handia dute.
Inplementazioa
Passivhaus estandarrean oinarritutako eraikinek ondorengo ezaugarriak dituzte: Isolamendua (eraikinari jertsea jarri behar zaio); eraikinaren estankotasuna (zirrikituak itxi); eraikinean sartu beharreko airea kontrolatzea (aire kopurua mugatu, garbitu eta honen tenperatura kontrolatzea); leihoen ezugarriak zaindu; teilatuko luzeroa.
Ebaluazioa, indarguneak eta ahulguneak
Praktikaren puntu fuerteak: Eraikin hau 1972 urtekoa da eta morfologia berdineko eraikin ugari dira Euskal Herrian (garai bateko eskola zaharrak dira). Ondorioz bertan egindako lana baliagarria izan daiteke beste hainbat herrietan egiteko. Energia aldetik lortutako aurrezkiak %80koak dira. Praktikaren puntu ahulak: Obraren jarraipen zorrotza egin behar zaio eta eragileen inplikazio handia beharrezkoa da emaitza onak lortzeko. Jatorrizko eraikineko hainbat materialek amiantoa dute eta edozein obra egin aurretik hauek erretiratu eta behar bezala kudeatu behar dira. Prozesuak luze jo dezake.
Info osagarria
Zein herritar kopuru eta multzoari eragiten dion proiektuak: bertan lan egiten duten pertsonei eta bertatik pasatzen diren hernaniar guztiei. Eraikuntza honen zaharberritzea Udaleko hainbat departamenturen elkarlanarekin gauzatu da eta era berean, bertan lan egingo duten eragile eta elkarteek ere parte hartu dute.
