Enherkom

Florida kalea 28, 20120 Hernani, Gipuzkoa |

enherkom.eus

Aholkularitza > Esperientzia eredugarriak> Enherkom

Hasiera data: 2020
Lurraldea: Gipuzkoa
Herria: Hernani
Biztanle kopurua: 20.516
Kontaktua: info@enherkom.eus

2020ko ekainean, konfinamendutik irteten hasi ginenean, Hernaniko
Udalak, GOIENEReko kolaboratzaile-sarearen bidez, energia-komunitate
berriztagarriekin (EBK) lotutako GOIENERen lanaren berri izan
zuen. Ezagutza horretatik 3 informazio-topaketa egin ziren, Udalaren
eta Goienerren ordezkarien artean. Bilera horietatik, Udalak EBK
bat sortzeko prozesu bat sustatzeko konpromisoa hartu zuen, eta
hasieratik onartu zuen erakunde hori autonomoa, plurala, irekia eta
ez-diskriminatzailea izango zela.

Testuingurua eta helburuak

Hernanin, identifikazio lan bat eta mapeoa abiatu zen, eragile giltzarri motak identifikatzeko. Honen ondorioa, 2020ko azaroan, auzo desberdinetako herritar, elkarte, enpresa, dendari elkarte eta abarrekin, deialdi bat antolatzea izan zen. Deialdi honetan proiektuaren nondik-norakoak eta Energia Komunitatea (EBK aurrerantzean) zer helburuekin planteatzen den azaldu ziren. Lidergoa komunitatean egongo dela azpimarratu zen, eta hasiera batean proiektu mota batzuk aurkeztu ziren. Deialdi honen ondoren adostu zen prozesuari hasiera ematea. Talde Sustatzailea eratuta zegoen eta beti irekita.

Inplementazioa

Talde sustatzailea sortu: osaera erabaki, taldearen funtzionamendua adostu eta ardurak definitu.
Eraikin publikoen gaitasun energetikoa eta kontsumoa kalkulatu. Hernanin, hasieratik, udaletxea prest agertu da eraikin publiko batzuk erabiltzeko FV proiektuak garatzeko eta EBKren eskutan uzteko. Horretarako GOIENERekin batera aztertu ziren hainbat udal eraikinen egoera eta aukerak energia sortzeko mailan.
Proiektu pilotu baten kalkulua egin.

Kooperatiba

Kooperatibaren aukera izan da uneoro eragile guztiek buruan izan dutena. Herrian bertan kooperatibismoa nahiko ezaguna da eta Europako Zuzentarauek eskatzen dutena betetzeko entitate eraginkorrena kooperatiba dela guztiek ikusi dute. Elkartea izatearen aukera ez da eztabaidatu ere egin. Kooperatibaren abantailak nabariak dira guztientzat eta Elkartearen desabantailak eta batez ere abantaila txikiak, etorkizuneko oztopo bilakatuko zirela ere argi dago. Kooperatibak ematen dituen aukera guztien artean, integrala eta mistoaren izaera aukeratu da.l

Info osagarria

Bidaia honetan ez gaude bakarrik. Udalak sostengua ematen du, GOIENER energia-komunitatea etengabe ahalduntzeko prozesuan laguntzen eta aholkuak ematen ari da. Hasiera baten, lantalde bakoitzean Sustengu Taldeko norbait dago, taldea aktibatzeko, martxan jartzeko eta aholkularitza emateko. Lantaldea garatzen doan heinean, Sustengu Taldeko pertsonaren papera, ahultzen doa eta Hernaniko Kideek protagonismoa hartzen dute, taldearen kudeatzaile eta zaindari izan arte.