945 304 006 
Herriko Enparantza 1, 01250 Araia, Araba 
Aholkularitza > Esperientzia eredugarriak> Asparrena
Hasiera data: 2002
Lurraldea: Araba
Herria: Asparrena
Biztanle kopurua: 1600
Kontaktua: Asparrenako Udala
Asparrena Arabako udalerria da eta ekialdeko Lautadan dago, Nafarroaren eta Gipuzkoaren mugan. Hamar herri hartzen ditu udalerriak. 1.600 biztanle baino gutxi gehiago ditu, eta historikoki batera landu ditu lehenengo sektoreko ekonomia, abeltzaintza eta nekazaritza, eta industria, batik bat hirigune nagusian, Araian (1.250 biztanle), garatzen dena. Bere kokalekua, Altzania mendikatearen oinetan baitago, gaur egun Aizkorri – Aratz parke natural gisa ezagutzen dena gehiago, zur, ur eta mineral baliabide ugarirekin, guztiz erabakigarria izan da bertan sortu den industriarentzat. Errotak, burdinolak eta siderurgia izan dira joan den mendeko 80. urteak arte gure ekonomiaren eragilea.
Testuingurua eta helburuak
Lurraren eta baliabide naturalen aprobetxamendua da, agian, subkontziente kolektiboan bizirik irauteko baliabide naturalak behar ditugula pentsatzera eraman gaituena eta, era berean, badakigu gure kontzientziaren eta zaintzaren baitan daudela baliabide natural horiek. Haien beharra dugu, eta horrenbestez, ongi zaindu behar ditugu eta modu arduratsuan eta orekatuan erabili. Orain dela urte batzuk, eta orain dela oso gutxi arte, erraustegiaren mehatxua ere izan genuen aldameneko Olazti herri nafarrean. Horrek mobilizazio eta gogoeta jardunaldiak ekarri zituen, eta are gehiago finkatu zen bide horretatik jarduteko eta bide horren aldeko apustua egiteko beharra. Proiektuaren helburu nagusia: Ingurumena babesteko, energia eraginkortasuna bultzatzeko eta energia burujabetza bilatzeko tokiko politikak abian jartzea.
Inplementazioa
Mendi publikoa antolatzeko plana; baso aprobetxamenduak, zura, egurra, eta oreka abelazkuntza erabilerei dagokienean; Central Hidroelectrica de San Pedro de Araia berriro martxan jarri (udaletxea da bertan partaidetza handiena duen erakundea); Kiroldegiko geotermia; bioamasa erabili hiru udal eraikin berotzeko (eskola publikoa, osasun zentroa eta kultur etxea); hamar herrietako argiteria publiko osoan eta Asparrena-Donemiliaga Industrialdean LED argiak jartzea; Hiri Hondakin Solidoak; kanpainia ezberdinak (Konpostatze indibiduala, auzo konposta, hegazti konposta); baratze ekologikoak udal lurretan; Paisaiaren Ekintza Plana (PEP)
Ebaluazioa, indarguneak eta ahulguneak
Emaitzak: mendi publikoa antolatzeko plana; Central Hidroeléctrica de San Pedro de Araia zentrala berreskuratzea eta abian jartzea; Arrazpi kiroldegirako geotermia; biomasa hiru eraikin publikotan; argiteria publiko osoan LED argiak jartzea; hiri hondakin solidoa (HHS); prestakuntza kanpainak..
