Geuretik Sortuak

Euskal Herriaren kontakizun sentikorra arteak eta kulturak baino ezin dute egin. Euskal arteak lengoaia asko izan ditzake, baina hizkuntza bakarra du, geurea: euskara.

Euskarazko eskaintza kulturala ez da nahiko genukeen bezain zabala, eta horri erantzuteko asmoz sortu zen Geuretik Sortuak proiektua: euskara hutsean egindako artea eta kulturaren sormena, ekoizpena eta hedapena sustatuko dituen zirkuitu nazionala. Lehen bi edizioei esker, zazpi lurraldeetako hainbat herritara iritsi dira 40 euskal sortzaile baino gehiagoren lanak, lau arte-diziplinatakoak.

https://www.youtube.com/watch?v=X04YNBmeypA

Letra xehez idazten diren herriek egiten dute letra larriz idatzi nahi dugun Herria. Euskal Herria.

Geure herriaren kontakizun afektiboa garatzen jarraitzeko, eta euskarazko sorkuntza eta sortzaileak Euskal Herriko bazter guztietara iritsi daitezen: Geuretik Sortuak-en hirugarren edizioa abiatzear da.

Geuretik Sortuak ekimenaren hirugarren edizioa martxan dago. 2025 eta 2026 urteak hartuko ditu, eta behean zerrendatutako sortzaileek eta herriek hartuko dute parte.

Beka deialdia: dokumentuak

Balioespen batzordea

Literaturan

Danele Sarriugarte Mochales (idazlea eta itzultzailea)

Komikigintzan

Asisko Urmeneta Otsoa (komikigilea eta irudigilea)

Antzerkigintzan

Kepa Errasti Gorroño (aktorea eta gidoilaria)

Zinegintzan

Estibaliz Urresola Solaguren (zuzendaria, gidoilaria eta ekoizlea)

01 FASEA

Hainbat udalerri aukeratu dira Euskal Herri osoan zehar, lurraldetasun orekari erreparatuta. Halaber, sortzaile edo kulturgileak hautatuko dira parekidetasuna eta arlo aniztasuna kontuan hartuta. Hautaketa hau deialdi publiko bitartez egin da 2024ko abenduan. Ostera epaimahai batek hautatuko ditu udalerri horietara hobekien egokituko diren sortzaileak, lanaren kalitatea, moldagarritasuna eta beste hainbat irizpide kontuan hartuta. Hirugarren edizio honetan, literatura, komikigintza, antzerkigintza eta zinemagintza izango dira lau kultur diziplinak.

02 FASEA

2025ean zehar sortzaileek sormen egonaldiak egingo dituzte esleitu zaien herrietan. Hiru astera bitarteko egonaldiak izango dira, 2025eko urtarriletik hasita iraila/urrira bitarte egin ahalko direnak. Sortzaileen beka, otorduak, joan etorriak, ekoizpenaren eta emanaldien gastuak estalita egongo dira, sormen-bekaren kopurutik at.

03 FASEA

2026an zehar burutuko da. Znebait udalerritan kulturgileek sortutako artelanen argitalpen edo aurkezpena eta hedapen zirkuitua dira fase honetako betebeharrik garrantzitsuenak. Antzerkiaren alorrean, emanaldiak beste edozein antzerki emanaldi bezalakoak izango dira. Zinegintzaren alorrean, hainbat film labur aurkeztuko dira udalerrietan, bertan parte hartu duen zuzendarietako baten presentziarekin. Literaturaren alorrean, liburuaren aurkezpena egonaldian idazleren bat izan duten udalerrietan egingo da. Komikigintzaren alorrean ere, komikigintza esleitu zaion udalerrian eta hala nahi duen beste edozein udalerritan ere argitalpen honen aurkezpena egingo da. Horrez gain, tailerrak, solasaldiak eta mahai-inguruak ere antolatuko dira.

Horrez gain, erakusketa ibiltari bat ere egingo da. Erakusketa horrek Geuretik Sortuak-en azalpena eta sormen-prozesuak erakutsiko ditu. Udalerri bakoitzean 1-2 astez egongo da.

Agenda

Geuretik Sortuak-en bigarren edizioan izango diren emanaldien berri emango dizugu, hilabetez hilabete.

Gaur

Mon

Tue

Wed

Thu

Fri

Sat

Sun

Euskal Herria kontatu.
Ahots anitzek kontatu.
Batak besteari kontatu.
Lokaletik unibertsalera kontatu.
Herriz herri kontatu.

GEURETIK SORTUAK.

LEHEN EDIZIOA
2021-2022

Oñati, Bergara, Antzuola, Elgeta, Usurbil, Villabona, Zestoa, Zumaia, Zaldibia, Oiartzun, Hernani, Galdakao, Ondarroa, Berriatua, Arrigorriaga, Larrabetzu, Leitza, Bera, Lesaka, Lodosa, Sartaguda, Andosilla, Mendabia, Tafalla, Atarrabia, Uharte, Etxarri Aranatz, Araitz, Betelu, Larraun, Zuia, Artziniega, Uztaritze, Baigorri, Urepele, Ligi-Atherei, Liginaga-Astüe, Lexantzu-Zunharre eta Etxebarre.

BIGARREN EDIZIOA
2023-2024

Hernani, Segura, Oiartzun, Legutio, Amasa-Villabona, Zumaia, Zaldibia, Ataun, Bergara, Usurbil, Larrabetzu, Ziortza-Bolibar, Berriatua, Ajangiz, Errigoiti, Muxika, Antzuola, Aiherra, Amoroto, Aulesti, Munitibar, Mutriku, Berastegi, Leitza, Araitz, Larraun, Betelu, Bera, Lesaka, Sara, Urruña, Uharte, Atharratze, Sartaguda, Andosilla, Sesma, Mendabia eta Lodosa.